Um was geht’s?

Übergeben ist des Bauers Pflicht,
Alois sagt: Ich tu das nicht!
Der Bua drauf: Scheiß auf Milch und Kas,
das wird jetzt eine Wellness – Oas!
Der Bauer schimpft: Du bleda Bua,
de Küah bleibn do, und du geh zua!

I werd den Hof net übergebn,
weil übergebn hoaßt nimma lebn!
Du hast koa Frau und a koa Geld,
so is des halt, auf dera Welt.

Dem Buam sei Freind, der is recht gscheit
und kennt an Scheich drunt in Kuwait.
Der möcht eh kräftig investieren,
des könnt ma doch einmal probieren.

Kuwait ist weit, des dauert zlang,
dem Schurli wird scho Angst und Bang.
Sei Freind der moant: des homma gleich,
donn nehma holt an falschn Scheich!

Und so gehts los, des Chaos pur
und endet, ja wie sog ichs nur?
Am Besten schauts euchs selber an,
wia sich die Gschicht entwickeln kann!

Helmut Grabner